مهرجان بيتزااااااااا

بيتزا سبيدار مان 1
جبنة شيدر مع طماطم وفلفل ومشروم و زيتون اسمر وجبنة موتزاريلا


بيتزا ستافت كرست
الاحرف ملفوفة مجموعات كل ثلاثة بنوع مجموعة سوسيس - مجموعة هوت دوج -
مجموعة جبنة شيدر مجموعة جبنة موتزاريلا - مجمووعة جبنة فلامنك
وفى الوسط مشكل جبن جبنة شيدر مستورد - جبنة موتزاريلا - جبنة فلمنك - جبنة رومى - جودة - جبنة شيدر مصرى


بيتزا سبيدار مان 2
مشكل فواكه


بيتزا كرون كرست
الاحرف سوسيس - والوسط هوت دوج - وسوسيس - وطماطم - وفلفل وزيتون - وجبنن موتزاريلا


بيتزا مشكل جبن ( مكس تشيز )
جبنة شيدر مستورد - جبنة موتزاريلا - جبنة فلمنك - جبنة رومى - جودة - جبنة شيدر مصرى


بيتزا بالتونة
تونة - طماطم - فلفل - بصل - زيتون - جبنة موتزاريلا


ودلوقتى سندوتش البيتزا
سوسيس ملفوف بعجينة البيتزا


واخيرا الطريقة   المقادير:
5 كوب دقيق
2 كوب ماء دافئ ( المج الزجاج العادى )
نصف كوب زيت ( المج الزجاج العادى )
ربع ملعقة صغيرة سكر
ربع ملعقة صغيرة ملح
ربع ملعقة صغيرة محسن خبز ( من عند العطار )
2 معلقة صغيرة خميرة فورية
2 ملعقة صغيرة مليانة لبن بودرة
1 ملعقة صغيرة بيكنج بودر

الطريقة : تحطي
2 كوب دقيق الأول بس مهم جدا جدا تنخليه كويس مرتين على الأقل عشان
يدخله هواء وبعدين تضيفي لبن البودرة والملح والخميرة والسكر ومحسن الخبز
وده تجيبوه من عند العطار ونقلبهم كويس وبعدين نضيف الماء ونفرك
الدقيق كويس بادينا بحيث ميكونش فيه اى كتل دقيق ونغطيهم ونسبهم يتخمرو
15 دقيقة بالظبط لا يذيدو ولا ينقصو بعد التخمير
نحط 3 كوبيات دقيق ومننساش ننخلهم والزيت و معلقة صغيرة باكنج باودر
ونقلبهم مع بعض براحة وخدو بالكم نقلب منعجنش علشان الخميرة متهبطش
ومفعولها يبوظ وبعدين نرش رشة دقيق على الرخامة ورشة على العجين علشان نلمة
وننزلة من الطبق وميلزقش وبعد مننزلة على الرخامة نلفة براحة جدا من
غير ضغط على العجينة ونقطعة على الى اربع كورات ونترك العجينة ترتاح
وفى نفس الوقت نشعل الفرن قبل الخبز بربع ساعة حتى تنجح عملية التسوية ثم نشكل العجين على اى شكل نرغبة ولو حنعملها بيتزا نراعى الاتى

اولا نفرد العجينة بالنشابة ونخلى ارتفاعها ميزدش عن نص سم عشان بتعلى

ثانياً
ندهن الصينية زيت ونحط فيها العجينة بعد الفرد ونترك العجينة فى الصنية
ترتاح لمدة 4 دقايق واحسن مكان فوق البوتجاز لأنة بيكون دافئ من درجة
الحرارة اللى خارجة من الفرن وبخلى العجينة تكمل تخميرها


ثالثا ندهن العجينة كاتشب بس يكون دهان خفيف منزودش

رابعا
نحط الخلطة اللى احنا عاوزنها بس منزودش الطماطم ولا الفلفل يعنى
البتزايا الواحدة بتاخد نصف طمطماية واحدة صغيرة متقطعة مربعات صغيرة
ونصف واحدة فلفل رومى بارد متقطعة شرائح رفيعة وقليل من الزيتون الاسمر
واى حشو إحنا عاوزينة ونضع الجبنة الموتزرلة
خامسا
نضع الصنية فى الفرن بس ننزل الرف اللى فى المنتصف الفرن على اول درجة
نتابعها وعلى فكرة مبتاخدش وقت كتير فى الفرن تقريبا من 6 الى 12 دقيقة
تقريبا ومننساش ان الفرن يكون والع قبلها بربع ساعة
عيوب ومعالجتها
البيتزا لو تخنت او عليت منك لية ؟
- ممكن الخميرة زيادة
- ممكن البيكنج بودر زيادة
- ممكن تكون متخمرتش الا مرة واحدة
- ممكن تكون مرتاحتش كفاية

البيتزا بتطلع مكتومة او معجنة او مستوتش من المنتصف لية ؟
- ممكن تكونى عجنتى بعد ما خمرت
- ممكن تكونى زودتى الدقيق
- ممكن تكونى ما ولعتيش الفرن قبل الخبر فدرجة الحرارة مكنتش مظبوطة
- ممكن يكون خبزتى على رف عالى